À la Une !

• Prete Ryszard vole dà un'anima à a chjesa
di « Notre Dame des Flots » A Madonna di l'Onda - Padulella Muriani, 07/07/2019

Dumenica u 7 di lugliu, voltu mezziornu, in piena sciapitana, murianinchi è turisti so stati stunati di vede, longu à i ristoranti di u bor'di mare, ghjunghje una prucessione cun canti e preghere.

Stu ghjornu ùn currisponde à nissun santu di a tradizione catolica, pe a prima volta omu ha festighjatu « Notre Dame des Flots » A Madonna di l'Onda, creata da Prete Filippi quarant'anni fà e chi u scopu ghje di dumandà à a Vergine Maria di protegge tutti quelli chi vanu in mare.

Sta chjesa si trova in Padulella, (diventatu nel 1960 Moriani-Plage) hè simplice e mudesta, paragunata à quella magnifica, di santu Niculaiu, in paese, cunstruita à a fine di u 17èssimu seculu, incu u so campanile di cinque piani.

Per qu'ella diventi una vera chjesa, incù un'anima, Prete Ryszard ha vulsutu una vera festa è ghjè per quella chi, stu 7 di lugliu, pè a prima volta, una messa incu canti pulifonichi e gran' prucessiò hè stata detta in corsu, in francese è in pulunese. Ed'avà, tutti l'anni, a prima dumenica di lugliu, sera festighjata sta chjesuccia di « Notre Dame des Flots » A Madonna di l'Onda.

À la Une ! liste des articles, par année